Əfqanıstan-Tacikistanın sərhədində atışma olub,bir nəfər ölüb
Düşənbə, 3 dekabr, AZƏRTAC
Tacikistanın Əfqanıstan ilə sərhəddəki “Baxorak” məntəqəsi istiqamətində 12 narkotik qaçaqmalçısı bu ölkənin dövlət sərhədini pozub.
Tacikistan Milli Təhlükəsizlik Komitəsinin verdiyi məlumata görə, təhlükəsizlik qüvvələri ilə atışmada sərhəd dəstəsinin komandiri, polkovnik Xayriddin Axtamov həlak olub, dörd nəfər isə yaralanıb. Cavab atəşi ilə üç sərhəd pozucusu öldürülüb, qalanları Əfqanıstan ərazisinə qaça bilib.
Təhlükəsizlik qüvvələri hadisə yerində dörd avtomat, 33 kiloqram narkotik maddə aşkar edib.
Tacikistan Xarici İşlər Nazirliyi Əfqanıstan tərəfinə hadisə ilə bağlı rəsmi nota göndərib.
Qulu Kəngərli
AZƏRTAC-ın xüsusi müxbiri
Düşənbə
Bölmənin digər xəbərləri
