ƏFSANƏVİ TENNİSÇİNİN ETİRAFI
AZƏRTAC-ın xarici informasiya agentliklərindən aldığı xəbərə görə, əfsanəvi ABŞ tennisçisi Con Makinroy idman karyerasının bir neçə ili ərzində yarışlar zamanı steroidlər qəbul etdiyini açıqlamışdır. Doğrudur, o, Londonun “Deyli Teleqraf” qəzetinin müxbiri ilə müsahibəsində söyləmişdir ki, bu maddələri şüurlu surətdə qəbul etmirdi.
43 yaşlı tennisçi demişdir: “Altı il ərzində mənə ağlasığmaz qədər steroid qəbul etdiriblər. Sonralar eşitdiyimə görə, onları atlara verirlərmiş. Nəhayət, onlardan imtina etməyi qərara almışlar, çünki bu maddələr hətta atlar üçün də güclü olmuşdur”.
Lakin Makinroy ona kimlərin və nə məqsədlə steroidlər verdiyini bildirməmişdir.
Bölmənin digər xəbərləri
