“Ekol Mühəndislik Xidmətləri”ndə fəhlələrin əməyin mühafizəsi və texniki təhlükəsizlik üzrə bilikləri yoxlanılıb
Bakı, 6 oktyabr, AZƏRTAC
“Ekol Mühəndislik Xidmətləri” QSC-nin xidmət göstərdiyi SOCAR-ın Ekologiya İdarəsinin tullantıların idarə edilməsi mərkəzində çalışan fəhlələrin əməyin mühafizəsi və texniki təhlükəsizlik sahəsində biliklərinin yoxlanılması üzrə imtahan keçirilib.
Müəssisədən AZƏRTAC-a bildirilib ki, QSC-də çalışan fəhlə və sürücülərin “Əməyin mühafizəsi və texniki təhlükəsizlik qaydaları üzrə təlimatlandırılması, öyrədilməsi və biliklərinin yoxlanılması qaydaları haqqında” təlimata əsasən, oktyabr ayının 3-dən texniki təhlükəsizlik sahəsində biliklərinin yoxlanılması üzrə imtahan keçirilib. İmtahanın keçirilməsində əsas məqsəd bu kateqoriyadan olan işçilər tərəfindən texniki təhlükəsizlik qaydalarını və təlimatlarını ISO-18001 (OHSAS) standartının tələblərini dərindən mənimsəmək və maarifləndirmə tədbirlərinin istiqamətlərini müəyyən etməkdən ibarət olub.
Bölmənin digər xəbərləri
