Ekologiya və təbii sərvətlər naziri Ağsuda vətəndaşların müraciətlərini dinləyəcək
Bakı, 18 may, AZƏRTAC
Ekologiya və təbii sərvətlər naziri Hüseyn Bağırov mayın 27-də saat 10:00-da Ağsu şəhərində yerləşən Uşaq Yaradıcılıq Mərkəzində vətəndaşlarla görüş keçirəcək.
Ekologiya və Təbii Sərvətlər Nazirliyinin (ETSN) mətbuat xidmətindən AZƏRTAC-a verilən məlumata görə, qəbul zamanı Ağsu, Göyçay, Şamaxı, Qobustan və Kürdəmir rayonları sakinlərinin müraciətləri nazir tərəfindən dinləniləcək, lazımi tədbirlər görüləcək.
Qəbula gəlmək istəyən vətəndaşlardan qeydiyyatdan keçmək üçün [email protected] və [email protected] elektron poçt ünvanları, ETSN-in “168-Qaynar xətt”i ilə əlaqə saxlamaları, həmçinin 6 saylı ekologiya və təbii sərvətlər şöbəsinə (telefonlar: 020-274-35-15, 055-455-41-21, 050-668-29-31) müraciət etmələri xahiş olunur.
Bölmənin digər xəbərləri
