Ekologiya və təbii sərvətlər naziri Şirvanda vətəndaşları qəbul edəcək
Bakı, 23 yanvar, AZƏRTAC
Ekologiya və təbii sərvətlər naziri Hüseyn Bağırov yanvarın 27-də Şirvan, Saatlı, Sabirabad və Hacıqabul rayonlarında yaşayan vətəndaşları qəbul edəcək.
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildirilib ki, qəbul saat 09:30-da Şirvan şəhərində yerləşən Yeni Azərbaycan Partiyasının binasında keçiriləcək.
Qəbula gəlmək istəyən vətəndaşlardan qeydiyyatdan keçmək üçün [email protected] və [email protected] elektron poçt ünvanları, Ekologiya və Təbii Sərvətlər Nazirliyinin 168 “Qaynar xətt”i ilə əlaqə saxlamaları, həmçinin 3 saylı ərazi Ekologiya və Təbii Sərvətlər şöbəsinə müraciət etmələri (əlaqə telefonları: 012-585-45-47, 055-459-60-00) xahiş olunur.
Bölmənin digər xəbərləri
