“EKOLOJİ PROBLEMLƏRİN KİV-LƏRDƏ İŞIQLANDIRILMASI” MÖVZUSUNDA MƏŞĞƏLƏ-SEMİNAR

27.10.2006 [21:07]
Çap et
A⁺ A^-

AZƏRTAC xəbər verir ki, ATƏT-in Bakı ofisi Yekaterinburqdakı Telejurnalistlərin Təlimi Mərkəzi ilə birlikdə oktyabrın 30-da ekoloji mövzuda yazan jurnalistlər üçün məşğələ-seminar keçirməyi planlaşdırır. Təşkilatçıların fikrincə, seminar iştirakçıları ekoloji mövzuda yazmağın əsas istiqamətləri haqqında təsəvvür əldə etmək və bunları təcrübədən keçirmək imkanı qazanacaqlar.

Seminarda ”KİV-lərdə ekoloji problematika”, “İnformasiyanın mənbələri və toplanması üsulları”, “Ekoloji mövzuda materialın təqdiminin forması və janrları”, “Mövzunun hazırlanması. Gərəkli yanaşma tərzini necə tapmalı? Hansı janrı seçmək daha yaxşıdır?”, “Jurnalist araşdırması janr kimi. Onun yaradıcı xüsusiyyətləri”, “Ekologiyanın qaynar nöqtələri. Jurnalist təhlükəsizliyi texnikası”, “Ekoloji araşdırma. Praktik iş” mövzuları təklif ediləcəkdir.

“Park İnn” hotelində keçiriləcək seminar noyabrın 4-də başa çatacaqdır.