“El Mundo”: NATO İran müharibəsi fonunda dərin böhran yaşayır
Bakı, 1 aprel, AZƏRTAC
NATO hazırda İran ətrafındakı vəziyyət və ABŞ Prezidenti Donald Trampın təhdidləri fonunda ən dərin böhranlarından birini yaşayır.
AZƏRTAC xəbər verir ki, bu fikir İspaniyanın “El Mundo” qəzetində dərc olunmuş məqalədə yer alıb. “Alyansın yaşadığı dərin böhrandan tam qurtula biləcəyinə inanmaq çətindir. Yaralar dərindir və genişlənməkdə davam edir”, - deyə qəzet yazır. Məqalədə digər faktorla yanaşı, ABŞ Prezidentinin Qrenlandiya ilə bağlı təhdidləri, İrandakı münaqişə və NATO-nun Baş katibi Mark Rüttenin Vaşinqtonun tərəfini tutmaq qərarı xatırladılır.
Donald Tramp İranda ABŞ-İsrail hərbi əməliyyatını dəstəkləməkdən imtina etdiklərinə görə Amerikanın Şimali Atlantika Alyansındakı tərəfdaşlarını dəfələrlə kəskin tənqid edib. Dövlət katibi Marko Rubio çərşənbə axşamı günü “Fox News” telekanalında bildirib ki, İrana qarşı əməliyyat başa çatdıqdan sonra Vaşinqton NATO-nun əhəmiyyətini yenidən nəzərdən keçirəcək.
Bölmənin digər xəbərləri
