EL ŞAİRİNİN YENİ KİTABI

12.12.2003 [19:14]
Çap et
A⁺ A^-

Gürcüstanın Orta Kartli bölgəsində beş azərbaycanlı kəndi var. Bu kəndlərin əhalisi həyatın bütün keşməkeşlərində mərd dayanmış, soyköklərinə, yurd yerinə sadiqlik nümayiş etdirmişlər. Bu işdə, əlbəttə, el ağsaqqalları mühüm rol oynamış və oynayırlar. Msxeta rayonundakı Sixisdziri (Qalaaltı) kənd sakini mərhum Əli Məmmədov (Çömbərli –Qaraşanlı) bu bölgənin vətənpərvər, el qeyrəti çəkən, millətcanlı ağsaqqallarından biri olmuşdur. O, orta və ali təhsilini gürcücə alsa da, azərbaycanlılığını saxlamış, dilə, dinə böyük üstünlük vermiş, qəlbini el-oba üçün atəşə çevirmişdir. Bəlkə, elə Əli kişinin hünəridir ki, kənddə, demək olar, sazsız ailə tapa bilməzsən.

Bu günlərdə el şairi Əli Məmmədovun “Bəxtim məni saldı səndən aralı...” adlı kitabının doğma kəndində təqdimat mərasimi keçirilmişdir. Kitabda onun səmimi, kövrək, milli yaddaşımızdan boy verən könül çırpıntıları duyulan şerləri toplanmışdır.

Kitab Bakının “Adiloğlu” nəşriyyatında çap olunmuş, filologiya elmləri doktoru, professor Valeh Hacılar və filologiya elmləri namizədi Arif Əmrahoğlu ona rəy vermiş, şair Rafiq Hümmət redaktorluq etmişdir. Ə.Məmmədovun yaradıcılıq nümunələrini Cambul Məmmədli və Nizami Məmmədzadə toplamışlar. Kitabın təqdimat mərasimində Əli Məmmədovun həmyerliləri onun xatirəsini anıb, belə xeyirxahlıq göstərmiş insanlara minnətdarlıqlarını bildirmişlər.

EL ŞAİRİNİN YENİ KİTABI

MÜƏLLİFLƏ ƏLAQƏ

Bölmənin digər xəbərləri