ƏLİLLƏRİN VƏ ŞƏHİD AİLƏLƏRİNİN PROBLEMLƏRİ DÖVLƏTİN DİQQƏT MƏRKƏZİNDƏDİR

08.09.2006 [11:13]
Çap et
A⁺ A^-

Əmək və Əhalinin Sosial Müdafiəsi Nazirliyindən (ƏƏSMN) AZƏRTAC-a bildirmişlər ki, ölkəmizin ərazi bütövlüyünün müdafiəsi zamanı fiziki sağlamlığını itirmiş vətəndaşların və şəhid ailələrinin mənzillə təminatı sahəsində işlər uğurla davam etdirilir. Hazırda nazirliyin sifarişi ilə Şamaxı, Ağsu və Sabirabad şəhərlərində 16 mənzilli binalar inşa olunur.

Kənd yerlərində yaşayan və bu kateqoriyadan olanlar üçün üçotaqlı fərdi evlərin tikintisi məqsədi ilə elan edilmiş tender başa çatmışdır. Respublikamızın müxtəlif bölgələrində 24 belə evin inşası üçün hazırlıq görülür.

Bundan əlavə, hazırda Naftalan şəhərində əlillər üçün reabilitasiya mərkəzi də inşa olunur. Naxçıvandakı analoji mərkəzin tikintisi sona çatır.

Nazirlik yay mövsümündə Bakı və Sumqayıtdan olan 40 əlili Nabran istirahət zonasına göndərmişdir.

Əlillərin sosial-məişət problemlərinin həllinə kömək məqsədi ilə ƏƏSMN-in müvafiq komissiyasının qərarına əsasən, 40 əlilə birdəflik maddi yardım edilmiş, Səhiyyə Nazirliyinin komissiyasının qərarına əsasən 10 əlil xaricdə, 9 nəfər isə respublikamızın tibb müəssisələrində müalicə olunmuşdur. Bütün xərcləri ƏƏSMN ödəmişdir.

ƏLİLLƏRİN VƏ ŞƏHİD AİLƏLƏRİNİN PROBLEMLƏRİ DÖVLƏTİN DİQQƏT MƏRKƏZİNDƏDİR

MÜƏLLİFLƏ ƏLAQƏ