Elmi nəşrlərin beynəlxalq reytinq göstəricilərinin yaxşılaşdırılması məsələsi müzakirə edilib
Bakı, 4 mart, AZƏRTAC
Azərbaycan Respublikasının Biznes mühiti və beynəlxalq reytinqlər üzrə Komissiyasının “İnsan Kapitalı” işçi qrupunun “Elmi nəşrlərlə bağlı beynəlxalq reytinq göstəricilərinin (H-indeksi) yaxşılaşdırılması üzrə” altqrupunun 2023-cü il üzrə ilk iclası keçirilib.
Təhsildə Keyfiyyət Təminatı Agentliyindən AZƏRTAC-a bildirilib ki, videokonfrans formatında keçirilən iclasda altqrupun rəhbəri, Təhsildə Keyfiyyət Təminatı Agentliyinin İdarə Heyətinin sədri Ülkər Səttarova təqdimatla çıxış edib. O, Azərbaycan Respublikasının Biznes Mühiti və Beynəlxalq Reytinqlər üzrə Komissiyasının “Texnologiya və innovasiyalar” işçi qrupunun “Elmi nəşrlərlə bağlı beynəlxalq reytinq göstəricilərinin (H-indeksi) yaxşılaşdırılması üzrə” altqrupunun həmin Komissiyanın “İnsan Kapitalı” işçi qrupunun tərkibinə daxil edilməsi və bununla bağlı altqrupun yenidən təşkili barədə qarşıda duran vəzifələrə dair ətraflı məlumat verib.
Sonda Ülkər Səttarova tərəfindən Elmi nəşrlərlə bağlı beynəlxalq reytinq göstəricilərinin yaxşılaşdırılması ilə əlaqədar 2023-cü il üzrə Yol Xəritəsinin ilkin layihəsi təqdim edilib və iclas iştirakçılarının sənəd layihəsi ilə bağlı müvafiq rəy və təklifləri dinlənilib.
Bölmənin digər xəbərləri
