Elnur Səfərli: Düzgün seçilməyən ixtisaslar əmək bazarında disbalansın yaranmasına səbəb olur
Bakı, 13 dekabr, AZƏRTAC
Ümumilikdə 1744 tələbə arasında sorğu keçirmişik. Onların 63 faizi ixtisas seçimini özü edib. Onların 25 faizi ikinci ixtisas təhsili alacağını bildirir.
AZƏRTAC xəbər verir ki, bunu Əmək Bazarı və Sosial Müdafiə Məsələləri üzrə Milli Observatoriyanın İdarə Heyətinin sədri Elnur Səfərli “Güclü iqtisadiyyat üçün Azərbaycanda peşə təhsilinin inkişaf yolu: gələcəyə baxış” mövzusunda konfransda çıxışı zamanı deyib.
O bildirib ki, düzgün seçilməyən ixtisaslar əmək bazarında disbalansın yaranmasına səbəb olur.
“Təkcə rəqəmsallaşma deyil, urbanizasiya da bəzi peşələrin aradan çıxmasına səbəb olur.
İşəgötürənlər arasında keçirdiyimiz sorğuda onların işçilər arasında texniki bacarıqlar yox, özünün öyrənmə bacarıqları olanlara üstünlük verdiklərini gördük”, - deyə Elnur Səfərli fikrinə əlavə edib.
Bölmənin digər xəbərləri
