Əməkdar incəsənət xadimi Aydın Kazımzadənin 80 illiyi qeyd ediləcək
Bakı, 13 fevral, AZƏRTAC
Fevralın 18-də Azərbaycan Dövlət Film Fondunda, görkəmli kinoşünas, Əməkdar incəsənət xadimi Aydın Kazımzadənin 80 illiyinə həsr olunmuş tədbir keçiriləcək.
Bu barədə AZƏRTAC-a Dövlət Film Fondunun direktor müavini Rəşad Qasımov məlumat verib.
Onun sözlərinə görə, tədbir Mədəniyyət Nazirliyinin dəstəyi, Dövlət Film Fondunun təşkilatçılığı ilə reallaşacaq.
Tədbir çərçivəsində Aydın Kazımzadənin həyat və fəaliyyətindən, o cümlədən Azərbaycan kinosunun tədqiqində və tarixinin öyrənilməsində müstəsna xidmətlərindən danışılacaq.
Tədbirdə hər kəsin iştirak etmək imkanı var.
Bölmənin digər xəbərləri
