Əməkdar rəssam Vüqar Əlinin “Dastan” sərgisi açılacaq
Bakı, 1 noyabr, Tatyana İvanayeva, AZƏRTAC
Azərbaycanın Əməkdar rəssamı, Azərbaycan Rəssamlar İttifaqının üzvü Vüqar Əli paytaxtın "QQallery" qalereyasında "Dastan" adlı fərdi sərgini təqdim edəcək.
AZƏRTAC xəbər verir ki, ekspozisiyaya 30-dan çox rəsm əsəri daxil edilib. Sərgi noyabrın 3-4-də keçiriləcək.
Vüqar Əlini öz mənzərəli dastanlarında dərin fəlsəfi məzmunu və etik istiqamət üzrə dəyişməz estetik dəyərləri tərənnüm edən aşıq adlandırmaq olar. Rəssam xalqının keçmişinə və bu gününə biganə deyil.
Rəsmlərində onun müasir problemlərə, dövrün qəhrəmanlıq nümunələrinə aludəçiliyi özünü aydın şəkildə büruzə verir. Müəllif bəşəriyyətin həyatını öz daxili aləmində hiss edir, eyni zamanda, sadə insanların həyat tərzini peşəkarlıqla duya bilir. Rəssamın əsərləri həqiqət və yeniliyin təzahürləri ilə doludur.
Bölmənin digər xəbərləri
