Emin Əmrullayev: PISA nəticələri təhsil islahatlarının qiymətləndirilməsi üçün vacibdir
Bakı, 8 sentyabr, AZƏRTAC
PISA nəticələri təhsil siyasətinin formalaşdırılması və həyata keçirilən islahatların nəticələrinin qiymətləndirilməsi baxımından mühüm göstəricidir.
AZƏRTAC xəbər verir ki, bu sözləri PISA 2025 - Şagirdlərin Qiymətləndirilməsi üzrə Beynəlxalq Proqramın nəticələrinin təqdimatı zamanı elm və təhsil naziri Emin Əmrullayev deyib.
Nazir bildirib ki, PISA şagirdlərin bilik və bacarıqlarını tətbiq etmək imkanlarını obyektiv şəkildə ölçən beynəlxalq qiymətləndirmə vasitəsidir.
“PISA elə bir şkaladır, elə bir ölçüdür ki, vərdişlər, biliklər tətbiq olunubsa, hansı faktların olmasından asılı olmayaraq, bu, artıq kiminsə rəyi, kiminsə subyektiv fikrinə yol vermədən, rəqəmlər üzərində və təhlil olunmuş faktlar əsasında aparılır. PISA nəticələri dərin təhlil aparmaq, təhsil siyasətini araşdırmaq, yeni islahatları müəyyənləşdirmək, o cümlədən əvvəlki islahatların hansının necə işləməsi ilə bağlı nəticəyə gəlmək baxımından vacibdir”, - deyə nazir bildirib.
Emin Əmrullayev qeyd edib ki, təhsil siyasəti yalnız rəqəmlərə və statistik göstəricilərə əsaslanmamalı, eyni zamanda, müəyyən prinsiplər və qaydalar üzərində qurulmalıdır.
Bölmənin digər xəbərləri
