Ərəb Liqasının sabiq rəhbəri Bakıya gələcək
Bakı, 7 yanvar, AZƏRTAC
Ərəb Liqasının sabiq rəhbəri, ərəb dünyasının nüfuzlu siyasi xadimlərindən biri olan Əmr Musa bu ilin aprel ayında Diasporla İş üzrə Dövlət Komitəsinin dəstəyi ilə Nizami Gəncəvi Beynəlxalq Mərkəzi və Madrid Klubunun Bakıda təşkil edəcəyi III Qlobal Müştərək Cəmiyyətlər Forumunda iştirak edəcək.
Komitədən AZƏRTAC-a bildirilib ki, Qahirədə Nizami Gəncəvi Beynəlxalq Mərkəzinin nümayəndəsi ilə keçirilən görüşdə Əmr Musa Azərbaycanda “Yeni dünya düzənində etimadın yaradılması” mövzusuna həsr olunmuş beynəlxalq forumun keçirilməsinin önəmini vurğulayıb. O qeyd edib ki, dünyanın nüfuzlu siyasətçilərinin iştirakı bu toplantının qlobal əhəmiyyətini daha da artırır.
Bölmənin digər xəbərləri
