ERMƏNİLƏR BİLİRLƏR Kİ, AZƏRBAYCAN ÖZ TORPAQLARINI HÖKMƏN GERİ ALACAQDIR
İraqda müharibə başlayandan sonra bu ölkədən qaçqın düşmüş ermənilərin Azərbaycanın işğal altında olan ərazilərində yerləşdirilmələri barədə Ermənistan xarici işlər nazirinin bəyanatı təbliğat müharibəsindən başqa bir şey deyildir.
Bu sözləri Azərbaycan xarici işlər naziri Vilayət Quliyev AZƏRTAC-ın müxbiri ilə söhbətində demişdir.
Xarici siyasət idarəsi rəhbərinin sözlərinə görə, Ermənistan heç Dağlıq Qarabağdan olan erməniləri işğal altındakı ərazilərdə saxlaya bilmir. Həmin əhali Azərbaycanın öz torpaqlarına hökmən sahib duracağını dərk etdiyi üçün Ermənistan rəhbərliyinin cəfəng bəyanatlarına inanmır. Belə olan halda bir müharibədən qaçan adamların ikinci müharibə zonasında sığınacaq tapmaq istəmələri inandırıcı deyildir.
Bölmənin digər xəbərləri
