Ermənistanda koronavirusa yoluxanların sayı 101 mini keçib
Tbilisi, 6 noyabr, AZƏRTAC
Ermənistanda koronavirusa yoluxanların sayı 101 mini keçib.
Son sutka ərzində ölkədə daha 2 min 210 nəfərdə koronavirus aşkarlanıb.
AZƏRTAC xəbər verir ki, bu barədə məlumatı Ermənistan Səhiyyə Nazirliyinin Xəstəliklərə Nəzarət və Onların Profilaktikası Milli Mərkəzi yayıb.
Bildirilir ki, bununla da Ermənistanda virusa yoluxanların ümumi sayı 101 min 773-ə yüksəlib.
Ölkədə koronavirusdan ölənlərin sayı daha 30 fakt artaraq 1506-ya çatıb.
Hazırda Ermənistanda 38088 aktiv koronavirus xəstəsi var.
Xatırladaq ki, əhalinin hər yüz min nəfərinə düşən yoluxma hallarının və ölüm sayına görə, Ermənistan MDB məkanında birinci yerdədir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
