Ermənistanın Metsamor Atom Elektrik Stansiyasının Azərbaycan üçün törətdiyi təhlükələr araşdırılmışdır
Bakı, 14 iyul (AZƏRTAC). İyulun 15-16-da “Days İnn” otelində Beynəlxalq Avrasiya Mətbuat Fondunun (BAMF) və Davamlılıq üzrə Şimal Alyansının (ANPED) birgə təşkilatçılığı ilə “Post-2015 və davamlı inkişaf məqsədləri” mövzusunda Beynəlxalq seminar keçiriləcəkdir.
BAMF-dan AZƏRTAC-a bildirmişlər ki, iyulun 15-də tədbir çərçivəsində seminarın təşkilatçıları “İqlim Dəyişikliyi və İnkişaf ” QHT Alyansı və dünyada tanınan Bellona Birliyinin eksperti, rusiyalı nüvə fiziki Andrey Ojarovski ilə birlikdə mətbuat nümayəndələri üçün brifinq keçirəcəklər.
Brifinqdə Avstriya institutlarının atom elektrik stansiyalarının təhlükələrinin qiymətləndirilməsi üzrə “FlexRisk” layihəsinin nəticələri mətbuat nümayəndələrinin diqqətinə çatdırılacaqdır.
Ermənistanın Metsamor Atom Elektrik Stansiyasının hazırkı vəziyyəti və Azərbaycan üçün təhlükələri əsas müzakirə mövzusu olacaqdır.
Bölmənin digər xəbərləri
