Estoniya çarpaz vaksinasiyanın tətbiqinə tələsmir
Tallin, 19 aprel, AZƏRTAC
Estoniya Almaniyanın ardınca çarpaz vaksinasiya, yəni əhalinin ayrı-ayrı vaksin istehsalçılarına məxsus iki doza ilə peyvənd edilməsinə başlamağa tələsmir.
AZƏRTAC ölkə mətbuatına istinadla xəbər verir ki, bu barədə məlumat Estoniyanın “ETV” telekanalında yayımlanan “Aktuaalne kaamera” xəbərlər proqramında verilib.
Bildirilib ki, Estoniya hökuməti belə bir praktikanın tətbiqindən əvvəl bir sıra elmi araşdırmaya ümid edir. Lakin alimlərin fikrincə epidemiya ilə mübarizədə bu metod effektli ola bilər.
“Aktuaalne kaamera”nın məlumatına əsasən, Almaniyada 60 yaşınadək insanların çarpaz vaksinasiyasının tətbiqinə başlanılır.
Bildirilir ki, birinci dozanı “AstraZeneca”nın istehsalı olan vaksindən, ikinci dozanı isə “Pfizer” və ya “Moderna”nın hazırladığı vaksindən qəbul edəcək.
Eston virusoloq Andres Meritsin sözlərinə görə, bu cür vaksinasiya metodu nəzəri olaraq daha təsirli ola bilər.
Asiman Əsədov
AZƏRTAC-ın xüsusi müxbiri
Tallin
Bölmənin digər xəbərləri
