Estoniyada koronaviruslu xəstələri yerləşdirmək üçün planlaşdırılmış əməliyyatları təxirə salacaqlar
Tallin, 7 dekabr, AZƏRTAC
Estoniyada xəstəxanalarda COVID-19 xəstələrinə ayrılan çarpayıların sayı artırılacaq, digər xəstəliklərlə bağlı planlaşdırılmış müayinə, müalicə və əməliyyatların təxirə salınacağı istisna edilmir.
AZƏRTAC Estoniya mətbuatına istinadla xəbər verir ki, bu barədə Tartu Universiteti Klinikasının böhran komissiyasının rəhbəri Yoel Starkopf və Şimali Estoniya Regional Xəstəxanasının (PERH) idarə heyətinin sədri Aqris Peedu “Aktual kamera” adlı verilişdə söyləyiblər.
Bildiriblər ki, xəstəxanaların dekabrın 10-dan etibarən koronavirus xəstələrini qəbul etmək üzrə hazırlıq səviyyəsinin yüksəlməsi ilə əlaqədar olaraq əlavə personala ehtiyac duyulacaq. Bu isə digər şöbələrdən alınmaqla təmin ediləcək və bununla da planlaşdırılmış əməliyyatların həyata keçirilməməsi təhlükəsi yaşanacaq.
Yoel Starkopf daha uzunmüddətli perspektivi qiymətləndirərkən planlaşdırılmış müalicənin tamamilə dayandırılmasını istisna etməyib: “Mövcud proqnozlara görə, Estoniyada xəstəxanaya yerləşdirilməli olan xəstələrin sayı 300-600 nəfərədək artacaq.
Asiman Əsədov
AZƏRTAC-ın xüsusi müxbiri
Tallin
Bölmənin digər xəbərləri
