Estoniyanın ümumtəhsil məktəblərində yaz tətili başlayır
Tallin, 19 aprel, AZƏRTAC
Bu gündən etibarən Estoniyanın ümumtəhsil məktəblərində yaz tətili başlayır ki, bu da istirahət etmək və tətildən zövq almaq üçün yaxşı imkandır. Bununla yanaşı, koronavirusun profilaktikası üzrə tələblərə riayət etmək və təhlükəsiz şəkildə istirahət etmək vacibdir.
AZƏRTAC Estoniya mətbuatına istinadla xəbər verir ki, bu sözləri ölkənin təhsil və elm naziri Liyna Kersna söyləyib.
“Təcrübə tətillərdən sonra yoluxma sayının artdığını göstərdi. Buna görə, xahiş olunur, məktəb tətilində həm özünüzün, həm də yaxınlarınızın təhlükəsizliyinə xüsusi diqqət yetirin. Koronavirusu, o cümlədən onun yeni ştamlarını ölkəyə gətirməmək üçün Estoniyada hamını tətilə çıxmağa səsləyirəm. Artıq gözəl yaz gəlib. Bu, təmiz havada istirahətdən zövq almaq üçün əlverişli imkandır”, - deyə nazir Liyna Kersna əlavə edib.
L.Kersna bildirib ki, məktəb tətilləri zamanı ehtiyatı əldən vermək olmaz: “Hətta istirahət zamanı belə insanların sıx toplaşdığı yerdən uzaqlaşmaq, seyrək şəkildə hərəkət etmək və mümkün qədər açıq havada ara məsafəsinə riayət etmək və ictimai yerlərdə maskadan istifadə etmək lazımdır. Risk qruplarına daxil olan insanlara qarşı diqqətli olmaq xüsusilə vacibdir, çünki onların vaksinasiyası hələ başa çatmayıb”.
Asiman Əsədov
AZƏRTAC-ın xüsusi müxbiri
Tallin
Bölmənin digər xəbərləri
