Əziz Qaralov: Fərdi yaşayış evlərinin hasarlarının təxminən 30 metr hissəsi uçub
Bakı, 15 oktyabr, AZƏRTAC
Badamdar-20-ci sahə avtomobil yolunun sağ kənarındakı sürüşmə zonasında saat 18:00-a olan monitorinqlərin nəticəsinə əsasən ərazidə gərginlik qalmaqdadır. Sürüşmə sahəsi üzərində asılı qalmış süxurların xırda hissələrinin yamaca doğru hərəkəti, yəni uçqun prosesi mütəmadi olaraq davam edir. Təxminən saat 5 radələrində ərazinin üst hissəsindəki evlərin hasarlarının təxminən 30 metr hissəsi uçaraq sürüşmə kütləsi üzərinə tökülüb. Burada uçqun tipli sürüşmə hadisəsi baş verib.
Bu barədə AZƏRTAC-a Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin Geoloji Planalma Ekspedisiyasının rəisi Əziz Qaralov məlumat verib.
Ekspedisiya rəisi həmin hasarın digər hissəsində eni 30 santimetrdən çox olan aralanma baş verdiyini də qeyd edib. Mütəxəssis hasarın aralanan hissəsində də uçqun prosesinin baş verəcəyinin istisna edilmədiyini vurğulayıb.
Bölmənin digər xəbərləri
