Fəaliyyətinə icazə verilən şəxslər öz avtomobillərindən istifadə edə biləcəklər
Bakı, 20 iyun, AZƏRTAC
Nazirlər Kabinetinin müvafiq qərarına əsasən sərtləşdirilmiş karantin rejimi dövründə fəaliyyətinə icazə verilən şəxslər öz avtomobillərindən istifadə edə biləcəklər.
AZƏRTAC xəbər verir ki, bu sözləri iyunun 20-də Nazirlər Kabineti yanında Operativ Qərargahın təşkil etdiyi mətbuat konfransında Baş Dövlət Yol Polisi İdarəsinin ictimaiyyətlə əlaqələr şöbəsinin rəisi, polis polkovniki Kamran Əliyev deyib.
Kamran Əliyev qeyd edib ki, həmin şəxslərin işə öz avtomobilləri ilə gedib-gəlmələrinə şərait yaradılacaq. Avtomobili idarə edən şəxsin fəaliyyətinə icazə verildiyi təqdirdə həmin nəqliyyat vasitəsinin hərəkətinə qadağa tətbiq olunmayacaq.
Bölmənin digər xəbərləri
