FİFA RUSİYAYA DÜNYA ÇEMPİONATI ÜÇÜN CƏMİ 250 BİLET AYIRMIŞDIR

23.05.2006 [12:34]
Çap et
A⁺ A^-

Rusiya komandasının dünya futbol çempionatının final turnirinə getməməsi azmış kimi, üstəlik, FİFA-nın bu ölkəyə çox az bilet ayırması yayda Almaniyaya getmək istəyən azarkeşlərin ovqatını daha da pozmuşdur.

AZƏRTAC “İnterfaks” agentliyinə istinadla xəbər verir ki, FİFA Rusiya Futbol İttifaqına (RFİ) dünya birinciliyinin oyunları üçün cəmi 250 bilet ayırmışdır. Biletlərin ən ucuzu 100 avro, ən bahası 300 avrodur.

RFİ-nin mətbuat xidməti bildirmişdir ki, “biletlər artıq tamamilə paylanmışdır. Onlar sponsorlara, futbol veteranlarına verilmişdir. Almaniyaya doqquz məşqçi, habelə bir neçə azarkeş gedəcəkdir”.

RFİ rəhbəri Vitali Mutko FİFA-dan xüsusi dəvət almışdır. Futbol veteranları dünya çempionatına RFİ-nin hesabına, qalanları isə öz hesabına gedəcəklər.

FİFA RUSİYAYA DÜNYA ÇEMPİONATI ÜÇÜN CƏMİ 250 BİLET AYIRMIŞDIR

MÜƏLLİFLƏ ƏLAQƏ

Bölmənin digər xəbərləri