Filippində avtomobil qəzası nəticəsində azı 13 nəfər həlak olub
Bakı, 19 aprel, AZƏRTAC
Filippinin Kalinqa əyalətində yolsuzluq avtomobilinin suvarma kanalına düşməsi nəticəsində azı 13 nəfər həlak olub.
AZƏRTAC CNN Philippines telekanalına istinadla xəbər verir ki, insident Tabuk şəhərində qeydə alınıb.
Qəza zamanı “Ford Everest” yolsuzluq avtomobilində olan 15 nəfərdən 12-ü suda boğularaq hadisə yerində, biri isə xəstəxanada ölüb. Ölənlərin arasında 3-5 yaşlı uşaqların da olduğu bildirilir.
Bölmənin digər xəbərləri
