Filippində “Suriqae” tufanına görə daşqınlar barədə xəbərdarlıq elan edilib
Tokio, 18 aprel, AZƏRTAC
Filippin sahillərinə yaxınlaşan “Suriqae” tufanı bir sıra region ölkələrində torpaq sürüşmələrinə və daşqınlara səbəb ola bilər.
AZƏRTAC xəbər verir ki, bu barədə aprelin 18-də Filippin Atmosfer, Geofizika və Astronomik Tədqiqatlar Xidməti məlumat yayıb.
Bildirilir ki, bu gün Şərqi Visayi və Bikolda, aprelin 19-da isə Şimali Samar, Samar və Şərqi Samar regionlarında güclü yağışlar gözlənilir.
Yerli vaxtla saat 5:00-a olan məlumata görə, təbii fəlakətin episentri Şərqi Visayi regionunun Katarman şəhərindən 400 kilometr şərqdə yerləşib və tufan saniyədə 4 metr sürəti ilə şimal-şərq istiqamətində hərəkət edib. Episentrdə küləyin sürəti saniyədə 60 metr, güclü əsdikdə isə 74 metrə çatır.
ABŞ hərbi-dəniz qüvvələrinin tufanlar üzrə birləşmiş mərkəzi “Suriqae” qasırğasına “super tufan” statusu verib.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
