Fransada ifrat sağçı Milli Birlik partiyasının mənzil-qərargahında axtarış aparılıb
Paris, 9 iyul, AZƏRTAC
Fransada 20-yə yaxın polis və 2 müstəntiq ultra-sağçı Milli Birlik (RN) partiyasının mənzil-qərargahında axtarış aparıb.
AZƏRTAC xəbər verir ki, aparılan axtarışı partiyanın sədri Jordan Bardella təqib əməliyyatı adlandırıb və onu pisləyib.
“Maliyyə briqadasının gülləkeçirməz jilet geyinmiş 20-yə yaxın silahlı polis zabiti ilə birlikdə iki müstəntiqi səhər saat 08:50-də əməliyyata başlayıblar”, - deyə partiya sədri bildirib.
Bu axtarış Avropa Baş Prokurorluğunun 2019-2024-cü illər arasında Avropa fondlarında 4,3 milyon avrodan çox vəsaitdən qeyri-qanuni istifadə etməkdə şübhəli bilinən Milli Birlik (RN) və onun Avropa Parlamentindəki bir neçə ifrat sağçı müttəfiqlərini hədəf alan istintaq açıldığı vaxta təsadüf edir. Jordan Bardella bu əməliyyatı möhtəşəm və görünməmiş adlandıraraq, plüralizm və demokratik dəyişikliklərə ciddi hücum hesab edib və yeni təqib əməliyyatını pisləyib. O, bunu növbədənkənar parlament seçkilərindən sonra gərgin siyasi kontekstdə əsas müxalifət partiyasını hədəfə alan sərt hücum kimi xarakterizə edib.
İndiki mərhələdə nə Avropa Prokurorluğu, nə də Fransa məhkəmə orqanları bu axtarışı şərh etməyiblər.
Bölmənin digər xəbərləri
