Fransalı müdafiəçi Elyakim Manqala karyerasını ölkəsində davam etdirəcək
Bakı, 21 yanvar, AZƏRTAC
“Mançester Siti”nin sabiq futbolçusu Elyakim Manqalanın yeni klubu məlum olub.
AZƏRTAC xəbər verir ki, fransalı müdafiəçi karyerasını ölkəsində davam etdirəcək.
Otuz yaşlı futbolçu “Sent-Etyen”ə keçib. Bu barədə Liqa 1 təmsilçisinin mətbuat xidməti məlumat yayıb. Manqala ilə müqavilənin müddəti mövsümün sonunadəkdir.
Qeyd edək ki, Manqala karyerası ərzində Portuqaliyada “Portu”, İngiltərədə “Everton”, “Mançester Siti”, İspaniyada “Valensiya” kimi klublarda çıxış edib. O, 2021-ci ilin yayından klubsuz idi.
Bölmənin digər xəbərləri
