FRANSALI PROKUROR ERMƏNİLƏRİN QALDIRDIQLARI MƏHKƏMƏ İDDİASINI RƏDD ETMİŞDİR
Sentyabrın 6-da Parisdə keçirilmiş məhkəmə iclasında erməni vəkilləri yalan söyləmək sahəsində daha irəli getmiş, böyük türk şairi Nazim Hikmətin guya qondarma “soyqırımı”nı tanıdığına görə 1959-cu ildə Türkiyə vətəndaşlığından çıxarılması kimi uydurma fikir söyləmişlər. Erməni vəkil Sergey Tavityandan bu iddiaya dair sübutlar tələb olunduqda, o, bütün erməni xislətli böhtançılar kimi bunu nə vaxtsa “Le Mond” qəzetində oxuduğunu, məqalənin adını və tarixini isə xatırlamadığını bildirmişdir.
Erməni İddiasını Müdafiə Təşkilatı adlanan bir hüquq qurumunun vəkilləri Aydın Sezginin səfir olmadığını və onun Fransada diplomatik toxunulmazlıq hüququndan yararlana bilməyəcəyini iddia etsələr də, Paris məhkəməsində prokuror onların bu istəklərini rədd etmişdir. Bundan sonra, ermənilər rəsmi Parisi Türkiyənin önündə əyilərək, qondarma “soyqırımı” inkar edənlərin cəzalandırılmasına dair qanun qəbul etməməkdə günahlandırmış, bu addımı antihumanist adlandırmışlar.
Baş konsulluğun saytının bağlanmasına qarşı çıxan türk vəkillər isə, bu saytda Aydın Sezgini rəsmi mövqeyinin göstərildiyini, Türkiyənin suveren bir dövlət kimi öz mövqeyini bildirmək hüququna malik olduğunu söyləmişlər.
Bölmənin digər xəbərləri
