Fridrix Merts: Almaniya regionda qalan vətəndaşlarının dəstəklənməsi üçün zəruri tədbirlər görüb
Berlin, 2 mart, AZƏRTAC
Almaniya hökuməti Yaxın Şərq regionundakı vətəndaşlarının mümkün qədər dəstəklənməsi üçün zəruri tədbirlər görüb.
AZƏRTAC xəbər verir ki, bunu Kansler Fridrix Merts Yaxın Şərqdə vəziyyətin gərginləşməsi ilə əlaqədar Almaniya Milli Təhlükəsizlik Şurasının iclasından sonra keçirdiyi brifinqdə deyib.
Kansler vəziyyətin federal hökumətin nazirlikləri və digər qurumlar tərəfindən ətraflı müzakirə edildiyini, regionda qalan Almaniya vətəndaşlarının dəstəklənməsi üçün zəruri tədbirlərin görüldüyünü bildirib. O, həmçinin Almaniyada ictimai təhlükəsizliyin təmin olunması üçün də bütün addımların atıldığını qeyd edib.
Bölgədəki vəziyyətə toxunan Kansler qeyd edib: “Kənardan hərbi zərbələr endirməklə daxildən siyasi dəyişiklik yaratmaq planının baş tutacağını bilmirik. İranda daxili dinamikanı anlamaq olduqca çətindir. Əfqanıstan, İraq və Liviya ilə aparılan müqayisələr yalnız qismən uyğun gəlir. Lakin bu paralellər ən azı ortamüddətli perspektivdə risklərin nə qədər real olduğunu göstərir. Onların nəticələrini isə Avropada və Almaniyada biz də daşımalı ola bilərik”.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
