Füzuli sakini: Bu xoş günləri bizə yaşadan Prezidentimizə minnətdarıq
Bakı, 13 dekabr, AZƏRTAC
Bu xoş günləri bizə yaşadan Prezidentimiz, Ali Baş Komandan İlham Əliyevə minnətdarlığımızı bildirirəm. Şəhidlərimizə də Allahdan rəhmət diləyirəm, onlar Vətən uğrunda şəhid oldular. Valideynlərinə öz təşəkkür bildirirəm ki, belə oğul böyüdüblər. Bu gün bizim Füzuliyə qayıtmaq arzumuzu reallaşdıran onlardır.
Bu sözləri AZƏRTAC-a müsahibəsində Füzuli rayonundan olan keçmiş məcburi köçkün Rövşən Quliyev deyib.
Bildirib ki, onun özü Birinci Qarabağ, oğlu isə İkinci Qarabağ döyüşlərində iştirak edib. “1991-1995-ci illərdə Füzuli, Qubadlı, Zəngilan, Tərtər istiqamətində gedən döyüşlərdə iştirak etmişəm. Uzun illərdir Sumqayıt şəhərində yaşayıram. Arzu edirəm ki, bütün məcburi köçkünlər öz doğma el-obalarına qayıtsınlar. Allah Ali Baş Komandanımızı və ölkəmizi qorusun”, - deyə Füzuli sakini qeyd edib.
Bölmənin digər xəbərləri
