FÜZULİNİN “QƏZƏLLƏR” TOPLUSU RUMINİYADA NƏŞR OLUNMUŞDUR
Respublikamızın bu ölkədəki səfirliyinin təşəbbüsü ilə Buxarestdə işıq üzü görən kitabın rumın dilinə tərcüməçisi görkəmli mütəxəssis alim, türk xalqlarının ədəbi incilərinin, o cümlədən “Kitabi-Dədə Qorqud” eposunun, bir sıra müasir yazıçılarımızın əsərlərinin rumın oxucularına çatdırılmasında xüsusi xidmətləri olan Buxarest Universitetinin professoru Nevzət Yusufdur.
Kitaba Füzulinin türkcə “Divan”ından 74, “Leyli və Məcnun” poemasından 22 qəzəl daxil edilmişdir. Yüksək peşəkarlıqla tərcümə olunmuş kitabın “ön söz”ündə rumın oxuculara Füzulinin yaradıcılığı, poetik sözünün qüdrəti, Şərq ədəbiyyatında mövqeyi barədə məlumat verilmişdir.
Dahi şairin rumın oxucuları ilə ilk görüşü olan bu kitabın əksər nüsxələri Rumıniyanın mərkəzi kitabxanalarına və təhsil ocaqlarına göndərilmişdir.
Bölmənin digər xəbərləri
