Ramana qəsəbəsində gənc əlillərin spartakiadası başlanmışdır. Dövlət İdarələri və İctimai Xidmət İşçilərinin Həmkarlar İttifaqları və “Spartak” könüllü idman cəmiyyəti tərəfindən təşkil olunan spartakiadada 100-ə yaxın əlil nərd, dama, şahmat və armrestlinq üzrə yarışacaqdır.

“Spartak” cəmiyyətindən AZƏRTAC-ın müxbirinə bildirmişlər ki, yarışları ildə iki dəfə - Novruz bayramında və dekabrın 3-də qeyd olunan Ümumdünya Əlillər günündə keçirmək qərara alınmışdır. İndiki spartakiadanın qalibləri də məhz həmin gün elan olunacaqdır.