GƏNCƏDƏ SU PROBLEMİ HƏLL EDİLİR
Gəncənin 3-cü və 4-cü mikrorayonlarında yaşayan sakinlərin su qıtlığı ilə bağlı narazılığına son qoyulacaqdır. İstifadəyə hazırlanan yeni artezian quyusu sutkada iki min kubmetr su verəcəkdir. Bu da hər iki mikrorayonun suya tələbatını ödəyəcəkdir. Şəhər su kəməri trestinin rəisi Vaqif Xəlilov AZƏRTAC-ın müxbirinə demişdir ki, Gəncədə içməli su ilə təminatda problemlər var. Biz bu problemləri aradan qaldırmaq üçün geniş proqram hazırlamışıq. Həmin proqrama uyğun olaraq yaxın vaxtlarda daha üç yaşayış massivində yeni artezian quyularının qazılmasına başlanılacaqdır.
Bölmənin digər xəbərləri
