Gənclər üçün “Ekoloji” fotomüsabiqə keçiriləcəkdir
Bakı, 6 mart (AZƏRTAC). Azərbaycan Respublikası Prezidenti yanında Gənclər Fondunun maliyyə dəstəyi, Azərbaycan Tələbə Gənclər Təşkilatları İttifaqı (ATGTİ) ekologiya İşçi qrupunun təşkilatçılığı ilə gənclər arasında ekoloji fotomüsabiqə keçiriləcəkdir.
ATGTİ-nin mətbuat xidmətindən AZƏRTAC-a bildirmişlər ki, martın 10-da keçiriləcək müsabiqədə 14-29 yaşlı gənclər ekoloji mövzuda çəkilmiş və təşkilat komitəsinə təqdim olunmuş fotoşəkillər ilə iştirak edə bilərlər. Layihənin sonunda müsabiqəyə təqdim olunmuş şəkillərdən ibarət fotosərgi təşkil ediləcəkdir. Sərgidə müsabiqənin qalibləri - ilk üç yerin sahibləri fotoaparat, “i-ped shuffle” və mp-3 player və diplomlarla mükafatlandırılacaqlar.
Layihənin həyata keçirilməsində məqsəd bacarıqlı fotoqraf gəncləri üzə çıxarmaq, gənclər arasında ekologiyanın təbliğini gücləndirmək, ekoloji problemləri hərtərəfli təhlil etməkdən ibarətdir.
Bölmənin digər xəbərləri
