GÖRKƏMLİ BƏSTƏKARIN XATİRƏSİNƏ HƏSR OLUNUR…
AZƏRTAC xəbər verir ki, sentyabrın 27-də Muzey mərkəzində Mədəniyyət və Turizm Nazirliyi, Dövlət Film Fondu və Dövlət kino-fotosənədlər arxivi tərəfindən təşkil edilmiş “Bir ömürə sığmayan musiqi” fotosərgisi açılacaqdır. Fotovernisaj görkəmli bəstəkar Qara Qarayevin həyat və fəaliyyətinə həsr edilmişdir.
Öz mühüm, cəsarətli, gözlənilməz, maraqlı nailliyətləri ilə dünya musiqi mədəniyyəti tarixinə daxil olmuş XX əsr musiqisində Qara Qarayev, şübhəsiz ki, ən fəxri yerlərdən birini tutur. Zaman durduqca Qara Qarayevin canlı yaradıcılıq ceşməsindən yeni-yeni nəsillər bəhrələnəcək, ifaçılar onun əsərlərinin təfsirində yeni çalarlar aşkar edəcək, tədqiqatçılar ustadın bədii kəşflərinin sirrini açmaq üzərində işləyəcəklər. Müxtəlif millətlərə mənsub, müxtəlif əqidəli insanlar Qarayevin musiqisi ilə təmasdan doğan hisslər aləminə qovuşaraq mənən zənginləşəcəklər - bu, təkcə musiqişünasların deyil, həm də onun nadir istedadının bütün pərəstişkarlarının rəyidir.
Bölmənin digər xəbərləri
