GÖRKƏMLİ ŞƏXSİYYƏTLƏR HAQQINDA KİTABLARIN TƏQDİMAT MƏRASİMİ
“Ürəklərdə ucalan abidə” kitablarında Heydər Əliyev adına Beynəlxalq Xeyriyyə Fondunun ümummilli liderimizin xatirəsini əbədiləşdirmək məqsədi ilə Bakıda keçirdiyi şeir, bədii və publisistik əsərlər müsabiqələrində iştirak edən müəlliflərin şeirləri toplanmışdır. “İnamdan doğulan İlham”, “Vətənin Mehriban qızı” kitabları isə Azərbaycan Respublikasının Prezidenti İlham Əliyevə və Heydər Əliyev Fondunun prezidenti, YUNESKO-nun xoşməramlı səfiri, Milli Məclisin deputatı Mehriban xanım Əliyevaya həsr olunmuşdur.
Mərasimdə xalq artisti Niyaməddin Musayev, əməkdar artistlər Xanım Qafarova, Elxan Əhədzadə, Bilal Əliyev, Azərbaycan Dövlət Akademik Milli Dram Teatrının aktyorları, Dövlət Mahnı Teatrı ansamblının, Muğam Teatrının solistləri Vətənə, ümummilli liderimiz Heydər Əliyevə, Prezident İlham Əliyevə və Mehriban xanım Əliyevaya həsr olunmuş şeirləri, mahnıları ifa etmişlər. Mirkazim Seyidov görkəmli şəxsiyyətlərə həsr etdiyi kitabların təqdimat mərasiminin iştirakçılarına - ədəbiyyat və mədəniyyət xadimlərinə, incəsənət ustalarına minnətdarlığını bildirmişdir.
Bölmənin digər xəbərləri
