“Gürcü Arzusu-Demokratik Gürcüstan” partiyası parlament seçkilərinin ikinci turunda da qalib gəlib
Tbilisi, 22 noyabr, AZƏRTAC
Gürcüstanın Mərkəzi Seçki Komissiyası (MSK) noyabrın 21-də ölkə parlamentinə keçirilən seçkilərin ikinci turunun nəticələrinin hesablanmasını başa çatdırıb.
AZƏRTAC Gürcüstan MSK-ya istinadla xəbər verir ki, ilkin nəticələrə əsasən, ölkə üzrə 17 majoritar dairədə keçirilən ikinci turda “Gürcü Arzusu-Demokratik Gürcüstan” partiyası böyük üstünlüklə qalib gəlib.
Beləliklə, seçkilərin hər iki turunun nəticələrinə görə, “Gürcü Arzusu-Demokratik Gürcüstan” Partiyası X çağırış parlamentində 150 mandatın 90-nı əldə edib. Digər 60 yer isə seçkilərin ilk mərhələsində iştirak edən 8 müxalifət partiyası arasında bölünüb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
