Gürcü ekspert: USAID korrupsiya bataqlığıdır və ekstremizmin ocağıdır
Tbilisi, 3 fevral, AZƏRTAC
Dünyada baş verən ekstremist hadisələr USAID-in olduğu yerlərdə meydana gəlib. Bütün bunlar məhz oradan qaynaqlanırdı.
Bu sözləri AZƏRTAC-a müsahibəsində gürcü ekspert, kinorejissor Giorgi Xaindrava söyləyib.
Onun sözlərinə görə, USAID korrupsiya bataqlığıdır, hər bir ölkədə ekstremizmin ocağıdır. Bunun ən yaxşı nümunəsini Gürcüstanda görmək olar.
“Onlar on il ərzində Gürcüstanda dövlət çevrilişi etməyə çalışırdılar. Bir neçə dəfə gördük ki, onların pulları ilə burada gəncləri təlimatlandırırlar və sonra bu gənclər Molotov kokteylləri, daşlarla parlamenti və binaları hədəf alırdılar. Bu, tamamilə aydındır, biz bunu çoxdan bilirdik və dəfələrlə danışmışdıq. İndi isə inqilab baş verir, ABŞ-da inqilab başlayıb. Görünür, amerikalılar başa düşüb ki, onlar məhv olurlar, çünki bu “Deep State” (Dərin Dövlət) - müharibə partiyası dünyada heç bir xoşbəxtlik gətirməmiş, sadəcə bədbəxtliklər yaratmışdır”, - deyə Xaindrava vurğulayıb.
Ekspert deyir ki, USAID müxtəlif yollarla ölkələrin suverenliyini məhdudlaşdırmağa çalışırdı. Bu təşkilatın fəaliyyəti Azərbaycan üçün də, Gürcüstan üçün də yaxşı məlumdur. Onların Avropadakı əlaltıları, xüsusən də Avropa İttifaqında olduqca güclüdür. İndi isə Avropa İttifaqında da belə bir vəziyyət yaranıb, çünki AŞPA-da tamamilə ləyaqətsiz bir qətnamə qəbul edilib. Nəticədə Gürcüstan nümayəndə heyəti AŞPA-nı tərk edib. Həmin qurumda dürüst münasibət və dostluq, tərəfdaşlıq münasibəti olmayana qədər Gürcüstan oraya geri qayıtmayacaq.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
