Gürcüstan əhalisinin sayı 3 milyon 914 nəfərdir
Tbilisi, 16 yanvar, AZƏRTAC
Gürcüstan əhalisinin sayı 3 milyon 914 min nəfərdir.
AZƏRTAC xəbər verir ki, bu barədə Gürcüstan Milli Statistika Xidmətinin icraçı direktorunun müavini (Geostat) Paata Şavişvili məlumat verib.
O bildirib ki, bu il aprelin sonuna qədər bələdiyyələr və regionlar səviyyəsində əhalinin cins və yaş tərkibi dərc olunacaq, qalan məlumatlar isə 2026-cı ilin iyun ayının sonuna qədər dərc olunacaq.
"Bundan əlavə, əhalinin mənzil şəraiti haqqında məlumatlar və ən əsası, torpaq sahəsi, mal-qara və quşların sayı və s. daxil olmaqla kənd təsərrüfatı siyahıyaalınması haqqında məlumatlar dərc olunacaq”, - deyə Paata Şavişvili bildirib.
O bildirib ki, siyahıyaalma tarixində ilk dəfə olaraq 100 faiz rəqəmsallaşdırma prosesi həyata keçirilib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
