Gürcüstan və ABŞ rəsmilərinin görüşü regional təhlükəsizliyə həsr olunub
Tbilisi, 25 iyul, AZƏRTAC
Gürcüstan Daxili İşlər Nazirliyinin (DİN) Strateji Boru Kəmərlərinin Mühafizəsi Departamentinin direktoru Zurab Çabaşvili ABŞ-nin Gürcüstandakı səfirliyinin Regional Təhlükəsizlik üzrə məsul şəxsi Deyv Haddleston ilə görüşüb.
AZƏRTAC xəbər verir ki, bu barədə Gürcüstan Daxili İşlər Nazirliyinin mətbuat xidməti məlumat yayıb.
Bildirilib ki, görüş zamanı Zurab Çabaşvili departamentin fəaliyyət istiqamətləri, səlahiyyətləri və iş prinsipləri barədə ətraflı məlumat verib.
Tərəflər, həmçinin mövcud əməkdaşlığın vəziyyətini və gələcəkdə birgə fəaliyyət perspektivlərini müzakirə ediblər.
Tərəflər əməkdaşlığın daha da dərinləşdirilməsində maraqlı olduqlarını bildiriblər.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
