Gürcüstan və Qərbi Balkan ölkələrinin parlamentlərarası konfransı keçirilib
Tbilisi, 6 fevral, AZƏRTAC
Gürcüstan Parlamentində ilk dəfə Gürcüstan və Qərbi Balkan ölkələrinin parlamentlərarası konfransı keçirilib
AZƏRTAC xəbər verir ki, konfransda Gürcüstan parlamentinin üzvləri ilə yanaşı, Qərbi Balkan ölkələrinin Avropaya inteqrasiya komitələrinin Albaniya, Bosniya və Herseqovina, Monteneqro, Serbiya və Şimali Makedoniya Respublikasından olan nümayəndələri iştirak ediblər.
Tədbirdə Avropa İttifaqının genişlənmə siyasəti, Aİ-yə üzvlük istiqamətində atılan addımlar, islahatlar gündəliyi və danışıqlar prosesində milli parlamentlərin rolu müzakirə olunub.
Bundan başqa, konfransda dünyada və regionda cərəyan edən proseslər, təhlükəsizlik və sülh problemləri də diqqət mərkəzində olub. Sülh və sabitliyin əldə olunması üçün parlamentarilərin rolunun artırılmasının vacibliyi vurğulanıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
