GÜRCÜSTAN YIĞMASINA FRANSIZ BAŞÇILIQ EDƏCƏK
AZƏRTAC-ın Tbilisidəki müxbirinin Gürcüstan Futbol Federasiyasından (GFF) aldığı xəbərə görə, fransalı məşqçi Anri Mişel ölkənin yığma futbol komandasına başçılıq etməyə razılıq vermişdir. O bildirmişdir ki, GFF ilə müqavilə yaxın vaxtlarda bağlanacaqdır.
A.Mişel tanınmış mütəxəssisdir, son illər, əsasən, Afrika komandaları ilə işləmişdir. 2002-ci ilin dünya çempionatında Tunis yığması onun başçılığı ilə çıxış etmişdir.
Fransız GFF ilə müqavilə imzalasa, o, holland Yohan Boskamp və xorvat İvo Şuşakdan sonra Gürcüstan yığmasının üçüncü əcnəbi məşqçisi olacaqdır.
Bölmənin digər xəbərləri
