Gürcüstanda COVID-19- a yoluxanların sayı 100 mini keçib
Tbilisi, 21 noyabr, AZƏRTAC
Gürcüstanda son sutka ərzində daha 3 min 824 nəfərə koronavirus diaqnozu qoyulub. Koronavirusdan müalicə olunan 3 851 nəfər sağalıb, 33 pasiyent isə həyatını itirib.
AZƏRTAC xəbər verir ki, bu barədə Gürcüstan hökumətinin xüsusi rəsmi stopgov.ge saytında məlumat yerləşdirilib.
Bildirilir ki, bununla da ölkədə indiyədək COVID-19-a yoluxanların ümumi sayı 100 min 684-ə, onlardan 81 min 783-ü sağalıb, 927 xəstə isə pandemiyanın qurbanı olub.
Hazırda 2 128 nəfər karantin rejimində, 5976 nəfər stasionar nəzarətdə saxlanılır.
Xəstəliyi simptomsuz keçirən 3 445 nəfər xüsusi otellərdə müalicə alır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
