Gürcüstanda daha bir nəfər koronavirusla yoluxub
Tbilisi, 29 fevral, AZƏRTAC
Gürcüstanda daha bir nəfərdə koronavirus infeksiyası aşkarlanıb. Bununla da Gürcüstanda bu virusa yoluxanların sayı 3 nəfərə çatıb.
AZƏRTAC xəbər verir ki, bu barədə Gürcüstanın Xəstəliklərə Nəzarət və İctimai Sağlamlıq Milli Mərkəzinin rəhbəri Amiran Qamkrelidze məlumat verib.
O qeyd edib ki, virus İrandan qayıdan Gürcüstan vətəndaşında təsdiq olunub. A.Qamkrelidze virusa tutulanların sayının artacağını istisna etməyib.
Qeyd edək ki, hazırda Gürcüstanda 40 nəfərdən çox insan karantindədir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
