Gürcüstanda koronavirusa yoluxma halları yenidən artıb
Tbilisi, 8 dekabr, AZƏRTAC
Gürcüstanda son sutkada 4 min 673 nəfər COVID-19 virusuna yoluxub. Xəstələrin 3 min 893-ü sağalıb, 36 pasiyent isə həyatını itirib.
AZƏRTAC xəbər verir ki, bu barədə Gürcüstan hökumətinin xüsusi rəsmi stopgov.ge saytında məlumat yerləşdirilib.
Bildirilir ki, ölkə üzrə COVID-19-a yoluxanların ümumi sayı 169 min 649-a çatıb. Yoluxanların 141 min 392-si sağalıb, 1 576-sı isə pandemiyanın qurbanı olub.
Hazırda 1 186 nəfər karantin rejimində, 6 min 829 nəfər stasionar nəzarətdə, 3 759 nəfər isə xüsusi otellərdə müalicə olunur.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
