Gürcüstanda koronavirusdan ölənlərin sayı 3127 nəfərə çatıb
Tbilisi, 28 yanvar, AZƏRTAC
Gürcüstanda son sutkada daha 723 nəfərə koronavirus diaqnozu qoyulub. Ötən sutka ərzində 932 nəfər sağalıb, 19 pasiyent isə həyatını itirib.
AZƏRTAC xəbər verir ki, bu barədə Gürcüstan hökumətinin xüsusi rəsmi stopgov.ge saytında məlumat yerləşdirilib.
Bildirilir ki, ölkədə COVID-19 virusuna yoluxanların ümumi sayı 256 min 287-yə, xəstəlikdən müalicə olunanların sayı 246 min 459-a, pandemiya qurbanlarının sayı isə 3 min 127-yə çatıb.
Hazırda Gürcüstanda karantin zonalarında 538, stasionar nəzarətdə 2 770 nəfər saxlanılır. Daha 346 nəfər isə xüsusi otellərdə müalicə olunur.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
