Azərbaycan Dövlət İnformasiya Agentliyi

DÜNYA

GÜRCÜSTANDA NÖVBƏDƏNKƏNAR PREZİDENT SEÇKİLƏRİNDƏ MİXAİL SAAKAŞVİLİ 96,27 FAİZ SƏS TOPLAYARAQ PREZİDENT SEÇİLMİŞDİR

16.01.2004 [20:20]
Çap et
A⁺ A^-

Gürcüstanın Mərkəzi Seçki Komissiyası yanvarın 15-də ayın 4-də keçirilmiş növbədənkənar seçkilərin yekunlarını təsdiqləmiş və rəsmi olaraq Mixali Saakaşvilini Gürcüstan prezidenti elan etmişdi.

AZƏRTAC-ın müxbiri xəbər verir ki, MSK-nın yekun protokolunda seçkilərdə 2.231.986 seçicidən 1.963.556 nəfərin iştirak etdiyi göstərilir.

Prezidentliyə namizədlər arasında Mixail Saakaşvilinin 96,27 faiz, Teymuraz Şaşiaşvilinin 1,85 faiz, Roin Lipartelianenin 0,85 faiz, Kartlos Qaribaşvilinin 0,21 faiz və Zaza Sixarulidzenin 0,24 faiz səs qazandıqları bildirilir.

MSK-nın yekun protokolunun təsdiqi zamanı Leyboristlər (Əmək) Partiyasının nümayəndəsi Badri Niaui etiraz əlaməti olaraq yığıncağı tərk etmiş və protokola imza atmamışdır.