GÜRCÜSTANIN YENİ PREZİDENTİ YENİ DÖVLƏT BAYRAĞI ALTINDA AND İÇƏCƏKDİR

16.01.2004 [02:18]
Çap et
A⁺ A^-

AZƏRTAC-ın xəbər verdiyi kimi, yanvarın 14-də Gürcüstan parlamenti hazırki zoğalı-ağ-qara rəngli Dövlət bayrağının yeni, beşxaçlı bayraqla əvəz olunmasına dair qərar qəbul etmişdir. Yığıncaqda iştirak edən parlament üzvlərindən 147 nəfəri bu qərarın lehinə, bir nəfər – “Milli hərəkat” blokuna məxsus olan həmin bayrağın əleyhinə daim çıxış edən Quram Şaradaze isə əleyhinə səs vermiş və bunu antigürcü bayrağı adlandırmışdır.

Axşam saat 9 radələrində - qərar qəbul olunandan dərhal sonra parlament binasının üzərindəki köhnə bayraq götürülmüş, orada beşxaçlı bayraq qaldırılmışdır.

Qeyd etmək lazımdır ki, Gürcüstan parlamentinin milli azlıqları təmsil edən deputatları həmin qərarı müsbət qarşılamışlar. Deputat Ramiz Bəkirov çıxış edərək, həmin bayrağın birlik, həmrəylik rəmzinə çevrilməsini arzulamışdır.

Beləliklə, yanvarın 4-də keçirilmiş vaxtından əvvəl prezident seçkilərində səslərin 96,27 faizini toplayaraq, dövlət başçısı seçilmiş Mixail Saakaşvili yanvarın 25-də ölkənin yeni bayrağı altında and içəcəkdir.

GÜRCÜSTANIN YENİ PREZİDENTİ YENİ DÖVLƏT BAYRAĞI ALTINDA AND İÇƏCƏKDİR

MÜƏLLİFLƏ ƏLAQƏ

Bölmənin digər xəbərləri