HƏMYERLİSİNİ GÜLLƏLƏYƏRƏK QƏTLƏ YETİRMİŞDİR
Daxili İşlər Nazirliyinin mətbuat xidmətindən AZƏRTAC-a bildirmişlər ki, sentyabrın 7-də saat 13.10 radələrində Sabunçu rayonu ərazisində ağır cinayət hadisəsi baş vermişdir. Maştağa qəsəbə sakini Nəcəfqulu Dadaşov həmyerlisi, əvvəllər məhkum olunmuş Sərdar Hacıyevi odlu silahdan atəş açaraq yaralamış və hadisə yerindən qaçmışdır. S.Hacıyev xəstəxanaya çatdırılsa da, onun həyatını xilas etmək mümkün olmamışdır.
Sabunçu Rayon Polis İdarəsi 14-cü bölməsinin əməkdaşlarının keçirdiyi əməliyyat nəticəsində cinayəti törətmiş Nəcəfqulu Dadaşov tutulmuşdur. Ondan 1 ədəd “Makarov” tipli tapança və 2 patron götürülmüşdür.
Faktla bağlı cinayət işi açılmışdır, araşdırma aparılır.
Bölmənin digər xəbərləri
